همدلته ودریدلی یو. همدلته کښیناستلی یو. تل همدلته.
تلپاتې همدلته.
یوازې یو هدف لرو، یو هدف:
له دې پرته پر بل هر څه اختلاف لرو:
آن د ملی بیرغ په شکل باندې.
[ اې ژوندې ملته! دا به سمه وی که د یوه خر ساده انځور غوره کړې.]
د نوی ملی سرود پر کلیمو هم اختلاف لرو.
[دا به سمه وی چې د کوترو له واده څخه یوه ترانه غوره کړې]
همدا ډول د ښځو پر دندو هم اختلاف لرو.
[دا به سمه وی چې یوه میرمن د پلیس د ادارې ریاست ته وګمارئ]
اختلاف لرو پر سلنې، پر عام او خاص،
پر هر څه اختلاف لرو. موږ یوازې یو هدف لرو:
ژوند....
وروسته له هغې، به هر څوک د خپل هدف د غوروالی لپاره وخت ولری.